മൊബൈൽ ഫോൺ എന്ന് കേൾക്കുമ്പോൾ തന്നെ ഇന്ന് എല്ലാവരുടെയും മനസ്സിലേക്ക് വരുന്നത് സ്മാർട്ട് ഫോണും സോഷ്യൽ മീഡിയകളും ആപ്പുകളുമാണ്.
ലോകത്താകമാനം 7.4 ബില്യൺ മൊബൈൽ ഫോൺ കണക്ഷൻ ഉണ്ടെന്നാണ് കണക്ക്.ഇന്ന് കേവലം ആശയ വിനിമയം എന്നതിലുപരി സ്മാർട്ട് ഫോണുകൾ ജോലിയുടെയും വ്യാപാരത്തിന്റെയും പഠനത്തിന്റെയും സുരക്ഷിതത്തിന്റെയും അടിസ്ഥാന സൗകര്യമായി മാറിയിരിക്കുന്നു.
450 മുതൽ 2100 Mhz വരെയുള്ള ഫ്രീക്വനസികളാണ് മൊബൈൽ നെറ്റ്‌വർക്ക് കമ്പനികൾ ഉപഭോക്താവിന് നൽകുന്നത്.തുടർച്ചയായിയുള്ള സ്മാർട്ട് ഫോൺ ഉപയോഗം മാനസികവും ശാരീരികവുമായ മാറ്റങ്ങളാണ് ഉണ്ടാക്കുന്നതെന്ന് വിവിധ രാജ്യങ്ങളിൽ നടന്ന പഠനങ്ങൾ തെളിയിച്ചു കഴിഞ്ഞിരിക്കുന്നു.
അമേരിക്കയിൽ 5 ൽ 3 പേർക്കും ഒരു മണിക്കൂറിൽ ഒരു തവണയെങ്കിലും തങ്ങളുടെ മൊബൈൽ ചെക്ക് ചെയ്തുകൊണ്ടിരിക്കുന്നു
കൂടുതൽ പേർക്കും തൊട്ടടുത്തുള്ള മനുഷ്യരോട് ഇടപെടുന്നതിനേക്കാൾ താത്പര്യം സ്വന്തം മൊബൈലിൽ നോക്കിയിരിക്കാനാണ്.
പ്രായഭേതമില്ലാതെ എല്ലാ വിഭാഗത്തിൽ പെട്ടവർക്കും നോമോഫോബിയ എന്ന അവസ്ഥ ദിനം തോറും ശക്തിപ്പെട്ടുകൊണ്ടിരിക്കുകയാണ്.
കൂടുതൽ നേരം മൊബൈൽ ഫോണിൽ ഗെയിം കളിക്കുന്നതിലൂടെ കായിക പരിശീലനങ്ങളും വ്യായാമങ്ങളോടും യുവ തലമുറക്ക് വിമുഖത വർധിച്ചു വരുന്നുണ്ട്.
63 % ഉപഭോക്താക്കളും മൊബൈൽ ഫോൺ ഉറക്കത്തിലും തലയോടടുപ്പിച്ച് വെക്കുന്നത് റേഡിയേഷന്റെ അളവ് കൂട്ടുകയേയുള്ളൂ.