കൊച്ചി: കൊച്ചിമെട്രോ ഉൽഘാടന വേദിയിൽ മൊബൈലിനു വിലക്ക്.കലൂര്‍ സ്‌റ്റേഡിയത്തിനു പുറത്താണ് ഉദ്ഘാടനവേദി ഒരുക്കിയിരിക്കുന്നത്.പ്രധാനമന്ത്രി പങ്കെടുക്കുന്ന ചടങ്ങായതിനാല്‍ സുരക്ഷാ പരിശോധന കര്‍ശനമായിരിക്കുമെന്നും അധികൃതര്‍ അറിയിച്ചു.വെള്ളത്തിന്റെ കുപ്പി, ഭക്ഷണസാധനങ്ങള്‍, ബാഗ് എന്നിവയൊന്നും ഉദ്ഘാനവേദിയില്‍ അനുവദിക്കില്ല.കുടിക്കാനുള്ള വെള്ളം സംഘാടകര്‍ വേദിയില്‍ ഒരുക്കിയിട്ടുണ്ട്.ചടങ്ങിലേക്ക് ക്ഷണിച്ചിട്ടുള്ളവര്‍ നിര്‍ബന്ധമായും കാര്‍ഡ് കൈയില്‍ കരുതണം. കാര്‍ഡില്ലാതെ വേദിയിലേക്ക് പ്രവേശനം ലഭിക്കില്ല.രാവിലെ പത്തു മണിക്കു ശേഷം ആര്‍ക്കും ഉദ്ഘാടനവേദിയിലേക്ക് പ്രവേശനം അനുവദിക്കില്ലെന്ന് അധികൃതര്‍ വ്യക്തമാക്കി. രാവിലെ 11 മണിക്കാണ് ഉദ്ഘാടനചടങ്ങ് നടക്കുക.