മൂന്നാർ: സ്ത്രീ വിരുദ്ധ പരാമർശം നടത്തിയ മന്ത്രി എം എം മണി രാജി വെക്കണം എന്നാവശ്യപ്പെട്ട് മുന്നാറിൽ പെമ്പിളൈ ഒരുമൈയുടെ നേതൃത്വത്തിലുള്ള സമരം ഏഴാം ദിവസം പിന്നിടുന്നു. കഴിഞ്ഞ ഞായറാഴ്ചയാണ് പെമ്പിളൈ ഒരുമൈ നേതാക്കളായ രാജേശ്വരി, കൗസല്യ, ഗോമതി എന്നിവരുടെ നേതൃത്വത്തിൽ മന്ത്രിയ്ക്കെതിരെയുള്ള സമരം ആരംഭിച്ചത്. സമരം ഏഴാം ദിവസം പിന്നിടുമ്പോഴും മൂന്നാറിലും സമീപ പ്രദേശങ്ങളിലും ഉള്ള തോട്ടം തൊഴിലാളികളുടെയും സാധാരണക്കാരുടെയും പിന്തുണ ഇതുവരെ ലഭിച്ചിട്ടില്ല. അതെ സമയം മന്ത്രി രാജി വെക്കുന്നത് വരെ സമരം തുടരുമെന്ന് പെമ്പിളൈ ഒരുമൈ നേതാക്കൾ പറഞ്ഞു.