തിരുവനന്തപുരം:90 ദിവസം വരെ കേടുകൂടാതെ ഇരിക്കുന്ന’ലോങ് ലൈഫ് മില്‍ക്ക്’ വിപണിയിലിറക്കാനൊരുങ്ങി മിൽമ.ഇറ്റാലിയൻ സാങ്കേതികവിദ്യയായ അള്‍ട്ര ഹൈ ടെമ്പറേച്ചർ (യുഎച്ച്‌ടി) പ്രക്രിയയിലൂടെയാണ് പാല്‍ തയ്യാറാക്കുന്നത്.ഇതുമൂലം കൂടുതല്‍കാലം പാല്‍ കേടുകൂടാതെയിരിക്കും.സാധാരണയില്‍ നിന്നും വ്യത്യസ്തമായി അഞ്ച് പാളികളുളള പാക്കറ്റിലാണ് പുതിയ ഉല്‍പ്പന്നം വിപണിയില്‍ ഇറക്കുന്നത്.അരലിറ്ററിന്റെ പായ്ക്കറ്റിന് 25 രൂപയാണ് വില.സാധാരണയായി പാസ്ചറൈസ് ചെയ്ത് ഉപഭോക്താക്കളിലേക്ക് എത്തുന്ന പാല്‍ തണുപ്പിച്ച്‌ സൂക്ഷിക്കാത്ത പക്ഷം എട്ട് മണിക്കൂര്‍ കഴിയുമ്പോൾ കേടുവന്നുപോകും. എന്നാല്‍ മില്‍മ ലോങ് ലൈഫ് മില്‍ക്ക് സാധാരണ അന്തരീക്ഷ ഊഷ്മാവിലും മൂന്ന് മാസത്തോളം കേടുകൂടാതെ ഇരിക്കുമെന്നതാണ് സവിശേഷത.മില്‍മയുടെ മലബാര്‍ മേഖലാ യൂണിയന്‍റെ കണ്ണൂര്‍ ജില്ലയിലെ ശ്രീകണ്ഠാപുരത്തെ ഡയറിയില്‍ നിന്നാണ് ഉല്‍പ്പന്നം വിപണിയിലെത്തുന്നത്.