കണ്ണൂർ : നിരവധി കവർച്ച കേസുകളിൽ പ്രതികളായ അന്തർസംസ്ഥാന കവർച്ച സംഘം പിടിയിൽ. മട്ടന്നൂർ മണ്ണൂരിലെ നെഞ്ചിലത് വീട്ടിൽ എൻ വിജേഷ് (26), ഇരിട്ടി മീത്തലെ പുന്നാട്ടെ സനീഷ് നിവാസിൽ സജേഷ് (28) എന്നിവരെയാണ് കണ്ണൂർ സി ഐ രത്നകുമാറും സംഘവും അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ മജിസ്ട്രേറ്റ് രണ്ടാഴ്ചത്തേക്ക് റിമാൻഡ് ചെയ്തു. തിങ്കളാഴ്ച പുലർച്ചെ കണ്ണൂർ നഗരത്തിലാണ് ഇവർ പിടിയിലായത്.