ന്യൂഡൽഹി:മീ ടൂ ആരോപണത്തിൽ കുടുങ്ങിയ കേന്ദ്ര വിദേശകാര്യസഹമന്ത്രി എം.ജെ അക്ബർ രാജിവെച്ചു.ഒട്ടേറെ വനിതാ മാധ്യമ പ്രവര്‍ത്തകരാണ് അദ്ദേഹത്തിനെതിരെ ലൈംഗികാരോപണം ഉന്നയിച്ചത്. എന്നാല്‍ ആരോപണം നിഷേധിച്ച അക്ബര്‍ നേരത്തെ രാജിവെക്കാന്‍ വിസമ്മതിച്ചിരുന്നു. ഒടുവില്‍ ഏറെ സമ്മര്‍ദങ്ങള്‍ക്ക് ശേഷമാണ് ബുധനാഴ്ച വൈകുന്നേരം 4.45 മണിയോടെ അദ്ദേഹം രാജിവെച്ചത്. മാധ്യമ പ്രവര്‍ത്തകനായിരുന്ന സമയത്ത് അദ്ദേഹം തന്നെ കാണാന്‍ എത്തുന്ന മാധ്യമ പ്രവര്‍ത്തകരായ പെണ്‍കുട്ടികളെ ലൈംഗിക ചൂഷണത്തിന് ഇരയാക്കുന്നുവെന്ന ആരോപണം മീ ടുവിലൂടെ പ്രിയ രമണി എന്ന മാധ്യമ പ്രവര്‍ത്തകരാണ് ഉന്നയിച്ചത്. പിന്നീട് മറ്റു വനിതാ മാധ്യമ പ്രവര്‍ത്തകരും അത് ഏറ്റു പിടിക്കുകയായിരുന്നു.