തൃശൂർ:കർണാടകയിൽ കൊറോണ ബാധിച്ച്‌ മരിച്ചയാളെ പരിചരിച്ച മെഡിക്കല് വിദ്യാര്‍ത്ഥിനിയെ തൃശൂര്‍ ജനറല്‍ ആശുപത്രിയിലെ ഐസൊലേഷൻ വാർഡിൽ പ്രവേശിപ്പിച്ചു. കല്‍ബുര്‍ഗിയില്‍ രോഗം ബാധിച്ച്‌ മരിച്ച മുഹമ്മദ് ഹുസൈന്‍ സിദ്ദിഖി (76)യെ പരിചരിച്ച മെഡിക്കല് സംഘത്തിലുണ്ടായിരുന്ന വിദ്യാര്‍ത്ഥിയെയാണ് നിരീക്ഷണത്തിനായി ആശുപത്രിയില്‍ പ്രവേശിപ്പിച്ചത്.സിദ്ദിഖിയെ പരിചരിച്ച സംഘത്തിലുണ്ടായിരുന്ന 11 വിദ്യാര്‍ത്ഥികളാണ് കഴിഞ്ഞ ദിവസം തൃശൂരിലെത്തിയത്.ഇവരിലൊരാള്‍ക്ക് പനിയുടെ ലക്ഷണം കണ്ടതിനെത്തുടര്‍ന്ന് ആശുപത്രിയിലേക്ക് മാറ്റുകയായിരുന്നു.സൗദിയില്‍ നിന്ന് ഉംറ കഴിഞ്ഞ് ഫെബ്രുവരി 29ന് നാട്ടിലെത്തിയ കല്‍ബുര്‍ഖി സ്വദേശി മാര്‍ച്ച്‌ 5ന് രോഗ ലക്ഷണങ്ങളെ തുടര്‍ന്ന് ആശുപത്രിയില്‍ ചികിത്സ തേടുകയായിരുന്നു. ആശുപത്രിയില്‍വച്ച്‌ ഇയാള്‍ മരണത്തിന് കീഴടങ്ങുകയായിരുന്നു.