തിരുവനന്തപുരം:സംസ്ഥാനത്ത് ഒഴിവുള്ള മെഡിക്കൽ,ബിഡിഎസ് സീറ്റുകളിലേക്കുള്ള സ്പോട് അഡ്മിഷൻ ഇന്നുംനാളെയും നടത്തും.തിരുവനന്തപുരം മെഡിക്കല്‍ കോളേജ് ഓഡിറ്റോറിയത്തിലാണ് അഡ്മിഷന്‍ നടക്കുക.എണ്ണായിരത്തോളം വിദ്യാര്‍ത്ഥികളാണ് സ്‌പോട്ട് അഡ്മിഷനായി രജിസ്റ്റര്‍ ചെയ്തിട്ടുള്ളത്. എംബിബിഎസില്‍ 715 ഒഴിവുകളും ബിഡിഎസിന് 599 സീറ്റുകളുമാണ് ഇനിയും ഒഴിഞ്ഞു കിടക്കുന്നത്. പ്രളയക്കെടുതിയെ തുടര്‍ന്ന് സ്‌പോട്ട് അഡ്മിഷന്‍ മാറ്റി വയ്ക്കാന്‍ നേരത്തെ സുപ്രിം കോടതി അനുമതി നല്‍കിയിരുന്നു.