തിരുവനന്തപുരം:പ്രളയ സമയത്ത് രക്ഷകരായ കേരളത്തിന്റെ സ്വന്തം സൈനികരായ മൽസ്യത്തൊഴിലാളികൾക്കായി ബജറ്റിൽ നിരവധി പദ്ധതികൾ.തീരദേശ മേഖലയ്ക്കായി 1000 കോടി രൂപ മാറ്റിവെയ്ക്കാനായി ബജറ്റിൽ തീരുമാനമായി.കടലാക്രമണത്തില്‍ നിന്നും മാറിത്താമസിക്കുന്ന കുടുംങ്ങള്‍ക്ക് വീട് നിര്‍മ്മിക്കാന്‍ പത്ത് ലക്ഷം രൂപ അനുവദിക്കും. സംസ്ഥാനത്ത് പുതിയ ഹാർബറുകളും പൊഴിയൂരില്‍ മത്സ്യബന്ധന തുറമുഖം സ്ഥാപിക്കാനും തീരുമാനമായി. കൊല്ലത്ത് ബോട്ട് നിര്‍മ്മാണ യാര്‍ഡ് സ്ഥാപിക്കും.മത്സ്യത്തൊഴിലാളികള്‍ക്ക് പലിശരഹിത വായ്പ നൽകും.തീരദേശത്തെ താലൂക്ക് ആശുപത്രികള്‍ നവീകരിക്കാന്‍ 90 കോടി രൂപ വിനിയോഗിക്കും.