കണ്ണൂര്‍: കൂത്തുപറമ്പിൽ ബാങ്കിനുള്ളില്‍ മാനേജരെ തൂങ്ങിമരിച്ച നിലയില്‍ കണ്ടെത്തി. കാനറ ബാങ്ക് തൊക്കിലങ്ങാടി ശാഖ മാനേജര്‍ കെ .സ്വപ്നയെയാണ്(38) മരിച്ച നിലയില്‍ കണ്ടെത്തിയത്. തൃശൂര്‍ മണ്ണുത്തി സ്വദേശിയാണ്. രാവിലെ ഒന്‍പതോടെ ബാങ്കിലെത്തിയ സഹ ജീവനക്കാരിയാണ് സ്വപ്നയെ തൂങ്ങിയനിലയില്‍ കണ്ടെത്തിയത്. ഉടന്‍ കൂത്തുപറമ്പ് താലൂക്ക് ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പോസ്റ്റ്മാര്‍ട്ടത്തിനായി തലശേരി ജനറല്‍ ആശുപത്രിയിലേക്ക് മാറ്റി. കൂത്തുപറമ്പ് പൊലീസ് സംഭവസ്ഥലത്തെത്തി വിശദമായ പരിശോധനകള്‍ നടത്തി.കൂത്തുപറമ്പിനടുത്ത് നിര്‍മലഗിരിയിലായിരുന്നു സ്വപ്ന താമസിച്ചിരുന്നത്. ഭര്‍ത്താവ് രണ്ട് വര്‍ഷം മുൻപ് മരിച്ചിരുന്നു. രണ്ട് മക്കളുണ്ട്.