ന്യൂഡൽഹി:ഡൽഹിയിൽ യുവാവിനെ കൊന്ന് കഷണങ്ങളാക്കി ഫ്രിഡ്ജിൽ ഒളിപ്പിച്ചനിലയിൽ കണ്ടെത്തി.ഉത്തരാഖണ്ഡ് സ്വദേശി വിപിൻ ജോഷി ആണ്(26) കൊല്ലപ്പെട്ടത്.സുഹൃത്ത് ബാദല്‍ മണ്ഡലിന്റെ വീട്ടിലെ ഫ്രിഡ്ജിലാണ് മൃതദേഹം കണ്ടെത്തിയത്. രണ്ടു ദിവസമായി വിപിന്‍ ജോഷിയെ കാണാനില്ലായിരുന്നു. പൊലീസില്‍ പരാതി നല്‍കിയതിനൊപ്പം കുടുംബാംഗങ്ങളും ഇയാള്‍ക്കായി തെരച്ചില്‍ ആരംഭിച്ചിരുന്നു.ഇതിനിടയിലാണ് വിപിനെ അന്വേഷിച്ച് കുടുംബാംഗങ്ങൾ ഉറ്റ സുഹൃത്തായ ബാദലിന്റെ വീട്ടിലെത്തിയത്.എന്നാല്‍ അടഞ്ഞുകിടന്ന വീട്ടില്‍ നിന്നു ദുര്‍ഗന്ധം വന്നതില്‍ സംശയം തോന്നി ഇവർ പൊലീസിനെ വിവരം അറിയിക്കുകയായിരുന്നു. പൊലീസെത്തി വാതില്‍ കുത്തിപ്പൊളിച്ചാണു മൃതദേഹം കണ്ടെത്തിയത്. കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. ബാദലിനായി പൊലീസ് തെരച്ചില്‍ തുടങ്ങിയിട്ടുണ്ട്.