തിരുവനന്തപുരം:തിരുവനന്തപുരത്ത് കോവിഡ് നിരീക്ഷണത്തിൽ ഇരുന്നയാൾ കെട്ടിടത്തിന് മുകളിൽ നിന്നും ചാടി ആത്മഹത്യ ചെയ്തു.നെടുമങ്ങാട് സ്വദേശി താഹയാണ് ആത്മഹത്യ ചെയ്തത്. ഇന്നലെ നിരീക്ഷണ കേന്ദ്രത്തിന്റെ മുകളിലത്തെ നിലയിൽ നിന്ന് ചാടുകയായിരുന്നു. കഴിഞ്ഞ മാസം 28നാണ് താഹ ഗള്ഫില് നിന്ന് എത്തിയത്. വീട്ടില് ക്വാറന്റൈനിലായിരുന്നു. മാനസിക ബുദ്ധിമുട്ട് പ്രകടിപ്പിച്ചതിനെ തുടര്ന്ന് ജനറല് ആശുപത്രിയില് കൌണ്സിലിങ് നല്കി. തുടര്ന്ന് ബാര്ട്ടണ് ഹില് നിരീക്ഷണകേന്ദ്രത്തിലേക്ക് മാറ്റുകയായിരുന്നു.ഇന്നലെ വൈകുന്നേരമാണ് ബാര്ട്ടണ് ഹില് നിരീക്ഷണകേന്ദ്രത്തിന്റെ നാലാം നിലയില് നിന്നും താഹ താഴേക്ക് ചാടിയത്. ഉടന് തന്നെ തിരുവനന്തപുരം മെഡിക്കല് കോളജിലെത്തിച്ചു. ഇന്നലെ തന്നെ നില ഗുരുതരമായിരുന്നു. ഇന്ന് രാവിലെയാണ് മരണം സംഭവിച്ചത്.