തൃശൂര്‍:കൊടുങ്ങല്ലൂരില്‍ ഓടിക്കൊണ്ടിരുന്ന കാറിന് തീപിടിച്ച് ഡ്രൈവറായ യുവാവ് വെന്തുമരിച്ചു.തിങ്കളാഴ്ച രാവിലെ 10 മണിയോടെ ചന്തപ്പുര-കോട്ടപ്പുറം ബൈപ്പാസില്‍ സര്‍വീസ് സെന്ററിന് സമീപമാണ് അപകടമുണ്ടായത്.പടക്കാട്ടുമ്മല്‍ ടൈറ്റസ് ആണ്‌ അപകടത്തില്‍ മരിച്ചത്.ടൈറ്റസ് മാത്രമാണ് കാറിനുള്ളില്‍ ഉണ്ടായിരുന്നത്.കാറിനുള്ളില്‍ തീ പടരുന്നതുകണ്ട നാട്ടുകാര്‍ രക്ഷാപ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല. കാറിനുള്ളില്‍ പെട്രോള്‍ സൂക്ഷിച്ചിരുന്നതായി നാട്ടുകാര്‍ പറയുന്നു.കാറിനുള്ളില്‍ നിന്നും കുപ്പി കണ്ടെത്തിയതാണ് ഈ സംശയത്തിന് കാരണം.തീപിടിച്ച കാര്‍ സമീപത്തെ കാനയിലിടിച്ചാണ് നിന്നത്. പോലീസ് അന്വേഷണം ആരംഭിച്ചു.