തലശ്ശേരി:കോയമ്പത്തൂരിൽ നിന്നും കണ്ണൂരിലേക്ക് വരികയായിരുന്ന ടൂറിസ്റ്റ് ബസ്സിൽ നിന്നും മൂന്നു കിലോ കഞ്ചാവുമായി യുവാവിനെ പിടികൂടി.എടക്കാട് മുസ്തുക്ക ക്വാർട്ടേസിൽ വി.പി സുജീഷാണ് എക്‌സൈസ് സംഘത്തിന്റെ പിടിയിലായത്.കണ്ണൂർ ഡെപ്യുട്ടി എക്‌സൈസ് കമ്മീഷണർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ തലശ്ശേരി എക്‌സൈസ് സംഘം ന്യൂമാഹി കിടാരംകുന്നിൽ നടത്തിയ വാഹനപരിശോധനയ്ക്കിടെയാണ് യുവാവ് പിടിയിലാകുന്നത്.തലശ്ശേരി,കണ്ണൂർ മേഖലയിൽ ചെറുകിട വില്പനക്കാർക്ക് കഞ്ചാവ് എത്തിച്ചുകൊടുക്കുന്നത് സുജീഷാണെന്ന് എക്‌സൈസ് സംഘം പറഞ്ഞു.തലശ്ശേരി എക്‌സൈസ് സംഘം ഈ മാസം ചാർജ് ചെയ്യുന്ന ആറാമത്തെ കഞ്ചാവ് കേസാണിത്.