സൗദി:മലയാളി ദമ്പതികളെ സൗദി അറേബ്യയിലെ മരുഭൂമിയിൽ മരിച്ച നിലയിൽ കണ്ടെത്തി.കോഴിക്കോട് നാദാപുരം കക്കട്ടിൽ പുളിച്ചാലിൽ കുഞ്ഞബ്ദുള്ള(37),ഭാര്യ റിസ്‌വാന(30) എന്നിവരെയാണ് അൽ അഹ്സയിലെ അയൂനിൽ വിജനമായ സ്ഥല ത്ത് മരിച്ച നിലയിൽ കണ്ടെത്തിയത്.സൗദിയിലെ ഒരു ഹൈപ്പർ മാർക്കറ്റിൽ ഡ്രൈവറായി ജോലിചെയ്തു വരികയായിരുന്നു കുഞ്ഞബ്ദുള്ള. ഭാര്യയോടൊപ്പം ദമ്മാമിലേക്ക് പോവുകയാണെന്ന് സുഹൃത്തുക്കളെ ഇയാൾ വിവരം അറിയിച്ചിരുന്നു.എന്നാൽ രണ്ടു ദിവസം കഴിഞ്ഞിട്ടും ഇയാളെ കാണാത്തതിനാൽ ഹൈപ്പർമാർക്കറ്റ് അധികൃതർ പോലീസിൽ പരാതി നൽകിയിരുന്നു. തുടർന്നാണ് തിങ്കളാഴ്ച വൈകുന്നേരത്തോടെ ഇവരുടെ മൃതദേഹം സൗദി അറേബിയയിലെ മരുഭൂമിയിൽ കണ്ടെത്തിയത്.സംഭവത്തിൽ പോലീസ് അന്വേഷണം ആരംഭിച്ചു.