കോഴിക്കോട്: കോഴിക്കോട് നഗരത്തിലെ ഷോപ്പിംഗ് കോംപ്ലക്സിന് അകത്തുണ്ടായ കുഴിയില്‍ വീണ് ഒരാള്‍ മരിച്ചു. മലപ്പുറം സ്വദേശിയും വസ്ത്ര വ്യാപാരിയുമായ ഹൈദ്യോസ് ഹാജിയാണ് മരിച്ചത്. കോംപ്ലക്സില്‍ നടക്കുന്നതിനിടെ നടവഴിയില്‍ ഉണ്ടായിരുന്ന ചെറിയ വിടവിലൂടെ ഇദ്ദേഹം താഴെയ്ക്ക് വീഴുകയായിരുന്നു. വീഴ്ചയില്‍ തലയ്ക്ക് സാരമായി പരിക്കേറ്റ ഹൈദ്യോസ് ഹാജി പിന്നീട് മരിച്ചു. കെട്ടിടത്തിന്‍റെ പാര്‍ക്കിംഗ് എരിയയില്‍നിന്ന് മുകള്‍ നിലയിലേക്കു നിര്‍മിച്ച ദ്വാരത്തിന്‍റെ വാതില്‍ തുറന്നു കിടന്നതാണ് അപകടത്തിനും വ്യാപാരിയുടെ മരണത്തിനും വഴിവച്ചത്. സംഭവത്തില്‍ കസബ പോലീസ് അന്വേഷണം തുടങ്ങി.