തലശ്ശേരി: മാഹിയില്‍നിന്ന് ഓട്ടോയില്‍ തളിപ്പറമ്പിലേക്ക് 88 കുപ്പി മാഹിമദ്യം കടത്തുകയായിരുന്നയാളെ എക്‌സൈസ് സംഘം പിടികൂടി. ഞായറാഴ്ച വൈകീട്ട് മൂന്നുമണിക്ക് പൊന്ന്യത്തുവെച്ചാണ് വാഹനപരിശോധനയ്ക്കിടെ മദ്യം പിടികൂടിയത്. തളിപ്പറമ്പ് ടൗണില്‍ വില്‍പ്പനയ്ക്കായി കൊണ്ടുപോകുകയായിരുന്നു. അസി.എക്‌സൈസ് ഇന്‍സ്‌പെക്ടര്‍ പി.കൃഷ്ണന്റെ നേതൃത്വത്തിലായിരുന്നു പരിശോധന. അസി.എക്‌സൈസ് ഇന്‍സ്‌പെക്ടര്‍ യു.പി.മുരളീധരന്‍, സോമന്‍, ഉമേഷ്, ബഷീര്‍ എന്നിവരും സംഘത്തിലുണ്ടായിരുന്നു.