തലശ്ശേരി:മാഹി-വളപട്ടണം ജലപാത വികാസത്തിന്റെ ഭാഗമായി സ്ഥലം ഏറ്റെടുക്കക്കുന്നതിരെ നിർദിഷ്ട പദ്ധതി പ്രദേശത്തെ ജനങ്ങൾ സമരത്തിലേക്ക്.കൊല്ലം മുതൽ നീലേശ്വരം വരെ ജലപാത വികസിപ്പിക്കുന്നതിന്റെ ഭാഗമായി മാഹി-വളപട്ടണം ജലപാത വികസനത്തിനായാണ് 179 ഏക്കർ സ്ഥലം ധർമ്മടം വരെയുള്ള ആദ്യഭാഗത്ത് ഏറ്റെടുക്കാൻ കലക്റ്റർ നിർദേശം നൽകിയത്.തൃപ്പങ്ങോട്ടൂർ,പാനൂർ,മൊകേരി,പന്ന്യന്നൂർ,തലശ്ശേരി എന്നീ വില്ലേജുകളിൽപെട്ട സ്ഥലമാണ് ഏറ്റെടുക്കുക.ഏറ്റവുമൊടുവിൽ നടത്തിയ സർവേ അനുസരിച്ച് കടവത്തൂർ, പുല്ലൂക്കര,കൊച്ചിയങ്ങാടി,പാലത്തായി,എലാങ്കോട്, കണ്ണംവെള്ളി, ഇറഞ്ഞുകുളങ്ങര,പാനൂർ,പന്ന്യന്നൂർ,കിഴക്കേ ചമ്പാട്,മൊകേരി പ്രദേശത്തുകൂടി ചാടാലപ്പുഴയുമായി ബന്ധിപ്പിക്കും. ഇതിനായി ഈപ്രദേശത്തുള്ള നൂറിലേറെ വീടുകൾ പൊളിച്ചുമാറ്റേണ്ടിവരുമെന്നാണ് സമരക്കാർ പറയുന്നത്.ഇതിനെതിരെയാണ് പ്രഷോഭം നടത്തുന്നത്.രണ്ടാം ഘട്ട പ്രക്ഷോഭത്തിന്റെ ഭാഗമായി ഈ മാസം 23 ന് ഈ പ്രദേശത്തെ സ്ത്രീകളെയും കുട്ടികളെയും പങ്കെടുപ്പിച്ച് പാനൂരിൽ പ്രതിഷേധപ്രകടനവും പാനൂർ വില്ലജ് ഓഫീസിലേക്ക് മാർച്ചും ധർണ്ണയും സംഘടിപ്പിക്കുകയും ചെയ്യും.