തിരുവനന്തപുരം : ഭോപ്പാൽ-ഉജ്ജയിൻ പാസ്സന്ജർ ട്രെയിനിൽ ചൊവ്വാഴ്ചയുണ്ടായ സ്ഫോടനത്തിന് പിന്നിൽ പ്രവർത്തിച്ച ഐഎസിന്റെ രൂപമായ ഖുരാസാന്‍ സംഘടനയെ കുറിച്ച് നിർണായക വിവരം നൽകിയത് കേരളാ പോലീസ്. സിറിയയിലെ ഐ എസ് തീവ്രവാദികളുടെ നേതാവ് ഉത്തർപ്രദേശിലെ യുവാക്കളോട് മധ്യപ്രദേശിലെ തങ്ങളുടെ പ്രസ്ഥാനത്തെ കുറിച്ച് സംസാരിച്ചതിന്റെ നിർണായക വിവരങ്ങളാണ് കേരളാ പോലീസിന്റെ രഹസ്യാന്വേഷണ വിഭാഗം ചോർത്തി ഉത്തർപ്രദേശ് തെലുങ്കാന എന്നീ സംസ്ഥാനങ്ങളിലെ പോലീസിന് കൈമാറിയത് . ഐ.എസ് ആണ് ട്രെയിന്‍ സ്ഫോടനത്തിനു പിന്നില്‍ പ്രവര്‍ത്തിച്ചതെങ്കില്‍ ഇന്ത്യയില്‍ ഐ.എസ് നടത്തിയ ആദ്യ ആക്രമണമാണ് ഇത്.