ചെന്നൈ: തമിഴ്‌നാട് നിയമസഭയിലെ സംഘർഷത്തിൽ പ്രതിഷേധിച്ച് മറീന ബീച്ചിലെ ഗാന്ധി സ്മാരകത്തിന് മുന്നിൽ നിരാഹാരമിരുന്ന പ്രതിപക്ഷ നേതാവ് സ്റ്റാലിനെ അറസ്റ് ചെയ്തു നീക്കി. മറീന ബീച്ചിൽ സമരം ചെയ്യാൻ അനുമതി നൽകാനാവില്ലെന്ന് കാണിച്ചാണ് പോലീസ് സ്റ്റാലിനെയും എം ൽ എ മാരെയും അറസ്റ്റു ചെയ്ത നീക്കിയത്.
വിശ്വാസ വോട്ടെടുപ്പിനിടെ സഭയിൽ ബഹളമുണ്ടാക്കിയതിനാണ് സ്പീക്കർ ധനപാലൻ സ്റ്റാലിനെയും എം ൽ എ മാരെയും പുറത്താക്കിയത്. ബാല പ്രയോഗത്തിനിടെ കീറി പറിഞ്ഞ വസ്ത്രവുമായി പുറത്തേക്കു വന്ന സ്റ്റാലിൻ അണികൾക്കിടയിലേക്കു നീങ്ങാൻ ശ്രെമിച്ചെങ്കിലും പോലീസ് തടയുകയായിരുന്നു. ഇതിനെല്ലാമുള്ള പ്രതിഷേധമെന്ന നിലയിലാണ് സ്റ്റാലിൻ നിരാഹാര സമരം നടത്താൻ തീരുമാനിച്ചത്.