തിരുവനന്തപുരം:ഇന്ന് പ്രസിദ്ധീകരിക്കാനിരുന്ന 2012 എം.ബി.ബി.എസ് ബാച്ചിന്റെ പരീക്ഷാഫലം ചോർന്നതായി പരാതി.കോലഞ്ചേരി മലങ്കര ഓർത്തഡോൿസ് സിറിയൻ മെഡിക്കൽ കോളേജിന്റെ വെബ്സൈറ്റിൽ ഫലം പ്രസിദ്ധീകരിച്ചതോടെയാണ് സംഭവം ശ്രദ്ധയിൽപെട്ടത്. പരിയാരം സഹകരണ മെഡിക്കൽ കോളേജിലെ എം.ബി.ബി.എസ് വിദ്യാർത്ഥികളാണ് പരാതിയുമായി ആദ്യം രംഗത്തെത്തിയത്.ഫലം ശ്രദ്ധയിൽപെട്ടതിനെ തുടർന്ന് വിദ്യാർത്ഥികൾ പരാതിയുമായി ആരോഗ്യസർവ്വകലാശാല അധികൃതരെ സമീപിച്ചു.. തുടർന്ന് ആരോഗ്യസർവ്വകലാശാല അധികൃതർ സൈബർ സെല്ലിൽ പരാതി നൽകിയിട്ടുണ്ട്.അതേസമയം സർവകലാശാലയുടെ വെബ്സൈറ്റ് വഴിയാണ് ഫലം ചോർന്നതെന്നാണ് സൂചന.