ന്യൂഡൽഹി: നിലവിൽ ജിയോ ഉപഭോക്താക്കൾക്ക് ലഭ്യമായിരുന്ന സൗജന്യ വോയിസ് കോളുകളും ഇന്റർനെറ്റ് പാക്കേജുകളും ഏപ്രിൽ ഒന്നോടെ അവസാനിക്കാനിരിക്കെ വരിക്കാർക്ക് ഉദാര നിരക്ക് പ്രഖ്യാപിച്ച് ചെയർമാൻ മുകേഷ് അംബാനി. ഇപ്പോൾ ജിയോ നൽകുന്ന എല്ലാ ഓഫറുകളും തുടർന്നും ലഭിക്കാൻ ഒരു മാസം 303 രൂപ നൽകണം. കൂടാതെ 99 രൂപ വൺ ടൈം ജോയ്‌നിങ് ഫീ ആയും നൽകണം.
ടെലികോം മേഖലയിലെ എല്ലാ സേവന ദാതാക്കളെയും ഞെട്ടിച്ചു കൊണ്ടാണ് ജിയോ ആറു മാസം മുൻപ് രംഗത്ത് വന്നത്. ജിയോ വരിക്കാരുടെ എണ്ണം പത്തുകോടി കടന്നതായി ചെയർമാൻ മുകേഷ് അംബാനി പറഞ്ഞു. രാജ്യത്തെ മാറ്റ് ഏത് സേവന ദാതാക്കളെക്കാളും 4 ജി ബേസ് സ്റ്റേഷനുകൾ ഉള്ളത് ജിയോ യ്ക്കാണെന്നും അംബാനി പറഞ്ഞു.