കണ്ണൂര്‍:പേരാവൂരില്‍ സ്കൂള്‍ ബസില്‍ നിന്നിറങ്ങിയ എല്‍കെജി വിദ്യാര്‍ത്ഥി അതേ ബസിനടിയില്‍പ്പെട്ട് മരിച്ചു.പേരാവൂര്‍ ശാന്തിനികേതന്‍ ഇംഗ്ലീഷ് സ്കൂളിലെ എല്‍കെജി വിദ്യാര്‍ത്ഥി പുതുശ്ശേരി പുത്തന്‍പുരയില്‍ ഫൈസലിന്‍റെയും റസീനയുടെയും മകന്‍ മുഹമ്മദ് റഫാനാ(5)ണ് മരിച്ചത്. കാഞ്ഞിരപ്പുഴ-പുതുശ്ശേരി റോഡില്‍ ചൊവ്വാഴ്ച വൈകിട്ട് 4.15-ഓടെയായിരുന്നു അപകടം.വൈകുന്നേരം സഹോദരന്‍ സല്‍മാനൊപ്പം സ്കൂള്‍ ബസില്‍ വീടിന് സമീപത്തെ സ്റ്റോപ്പില്‍ വന്നിറങ്ങിയതായിരുന്നു റഫാന്‍.തുടര്‍ന്ന് എതിര്‍വശത്തെ വീട്ടിലേക്ക് നടക്കുന്നതിനിടെ വിദ്യാര്‍ത്ഥി ബസിന്‍റെ പിന്‍ഭാഗത്തെ ടയറിനടിയില്‍ പെട്ടുപോവുകയായിരുന്നു.സല്‍മാന്‍, ഫര്‍സ ഫാത്തിമ എന്നിവരാണ് സഹോദരങ്ങള്‍. മൃതദേഹം പരിയാരം മെഡിക്കല്‍ കോളേജ് ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്.