ന്യൂഡൽഹി:ഫെബ്രുവരി ആറിനകം മൊബൈൽ നമ്പർ ആധാറുമായി ബന്ധിപ്പിക്കണം.ഇത് കൂടാതെ രാജ്യത്ത് ബാങ്ക് അക്കൗണ്ടുകൾ തുടങ്ങുന്നതിനും ആധാർ നിർബന്ധമാക്കണമെന്നും കേന്ദ്ര സർക്കാർ സുപ്രീം കോടതിയിൽ സമർപ്പിച്ച സത്യവാങ്മൂലത്തിൽ വ്യക്തമാക്കി. മൊബൈൽ ആധാറുമായി ലിങ്ക് ചെയ്യുന്നതിനുള്ള സമയപരിധി സുപ്രീം കോടതി നിശ്ചയിച്ചതിനാൽ അത് കേന്ദ്ര സർക്കാരിന് മാറ്റാനാകില്ല.അതേസമയം ബാങ്ക് അക്കൗണ്ടുകൾ ആധാറുമായി ലിങ്ക് ചെയ്യുന്നതിനുള്ള സമയപരിധി മാർച്ച് 31 വരെ നീട്ടിയിട്ടുണ്ടെന്നും കേന്ദ്ര സർക്കാർ വ്യക്തമാക്കി.മൊബൈൽ നമ്പർ ആധാറുമായി ബന്ധിപ്പിക്കുന്നതിനെതിരെ സമർപ്പിച്ച ഹർജിയിലാണ് കേന്ദ്ര സർക്കാർ വിശദീകരണം നൽകിയത്.അതേസമയം ആധാർ സ്വകാര്യതയുടെ ലംഘനമാണോ എന്ന കാര്യം സുപ്രീം കോടതിയുടെ ഭരണഘടനാ ബെഞ്ച് പരിശോധിക്കുകയാണ്.