കോഴിക്കോട്: കനത്ത മഴയും വെള്ളപ്പൊക്കവും മൂലം കോഴിക്കോട് ജില്ലയിലെ പ്രഫഷണല് കോളജുകള് ഉള്പ്പടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വ്യാഴാഴ്ച അവധി പ്രഖ്യാപിച്ചു. ജില്ലയില് മലയോര മേഖലയില് അടക്കം ഉരുള്പൊട്ടലും മണ്ണിടിച്ചിലും രൂക്ഷമായ സാഹചര്യത്തില് നിരവധി സ്കൂളുകള് ദുരിതാശ്വാസ ക്യാമ്പുകളായി പ്രവര്ത്തിക്കുന്നുണ്ട്. ഇത് കൂടി പരിഗണിച്ചാണ് അവധി നൽകിയിരിക്കുന്നത്.