കണ്ണൂർ: പേരാവൂരിൽ വൻ ലഹരി വസ്തു ശേഖരം പോലീസ് പിടികൂടി. മുരിങ്ങോട് നമ്പിയോട് വീട്ടിൽ സൂക്ഷിച്ച നിരോധിത പാൻ ഉൽപ്പന്നങ്ങളാണ് പോലീസ് പിടികൂടിയത്. പോലീസിന് ലഭിച്ച വിവരത്തിന്റെ അടിസ്ഥാനത്തിൽ സി.ഐ എം.എൻ ബിജോയിയുടെ നേതൃത്വത്തിലുള്ള സംഘം നടത്തിയ പരിശോധനയിലാണ് ലഹരി വസ്തു ശേഖരം പിടികൂടിയത്.23 ചാക്കുകളിലായി സൂക്ഷിച്ച നിലയിലായിരുന്ന പാൻ പാക്കറ്റുകൾ. 25,500 പാക്കറ്റ് ഹാൻസ്, 1050 കൂൾ തുടങ്ങിയവയാണ് ചാക്കുകളിൽ ഉണ്ടായിരുന്നത്.വാടകയ്‌ക്കെടുത്ത വീട്ടിൽ നിരോധിക പാൻ ഉൽപ്പന്നങ്ങൾ സൂക്ഷിച്ചു വെച്ചിരിക്കുന്നു എന്ന രഹസ്യ വിവരത്തിന്റെ അടിസ്ഥാനത്തിലാണ് പോലീസ് പരിശോധന നടത്തിയത്. അന്വേഷണത്തിന്റെ ഭാഗമായി കബീർ എന്നയാളെ പോലീസ് കസ്റ്റഡിയിലെടുത്തു. പാൻ ഉൽപ്പന്നങ്ങൾ വിൽപ്പനയ്‌ക്കായി ശേഖരിച്ചതായിരുന്നു ഇയാൾ.