മലപ്പുറം:കുടുംബശ്രീയുടെ മണ്‍സൂണ്‍ ഫിലിം ഫെസ്റ്റ് മലപ്പുറത്ത് തുടങ്ങി. മൂന്നു ദിനം നീളുന്ന ഫിലിം ഫെസ്റ്റില്‍ 25 ചിത്രങ്ങള്‍ പ്രദര്‍ശിപ്പിക്കും. നിലമ്പൂര്‍ ആയിശ ഫെസ്റ്റിവല്‍ ഉദ്ഘാടനം ചെയ്തു. മഴ, കട്ടന്‍, പിന്നൊരു സില്‍മ ഇതാണ് കുടുംബശ്രീ നടത്തുന്ന മണ്‍സൂണ്‍ ഫിലിം ഫെസ്റ്റിന്‍റെ തലക്കെട്ട്. മലപ്പുറം ജില്ലയിലെ കുടുംബശ്രീ അംഗങ്ങളുടെ മുന്‍കയ്യില്‍ ഇതാദ്യമായാണ് ഒരു ചലച്ചിത്ര മേള സംഘടിപ്പിക്കുന്നത്.ഉദ്ഘാടന ചിത്രമായി ചായില്യം പ്രദര്‍ശിപ്പിച്ചു. സ്ത്രീ ശാക്തീകരണ രംഗത്തെ പുതിയ കാൽവെപ്പായാണ് കുടുംബശ്രീ ഫിലിം ഫെസ്റ്റിനെ കാണുന്നതെന്ന് നിലമ്പൂര്‍ ആയിശ പറഞ്ഞു.