കണ്ണൂർ: ഹരിത കേരളം മിഷന്റെയും ഡിസ്പോസിബിൾ ഫ്രീ പ്ലാസ്റ്റിക് ക്യാരി ബാഗ് ഫ്രീ ജില്ലാ പദ്ധതിയുടെയും ഭാഗമായി ജില്ലയിലെ തുണിസഞ്ചി നിർമാണ സംരംഭകരെ പങ്കെടുപ്പിച്ച് കുടുംബശ്രീ കണ്ണൂരിൽ തുണിസഞ്ചി വിൽപ്പന പ്രദര്ശന മേള സംഘടിപ്പിക്കുന്നു. കണ്ണൂർ ടൌൺ സ്ക്വയറിൽ മാർച്ച് 20,21,22 തീയ്യതികളിലാണ് പ്രദര്ശനമെന്നു കുടുംബശ്രീ ജില്ലാമിഷൻ കോ ഓർഡിനേറ്റർ എം സുർജിത് അറിയിച്ചു. വിവിധ ഇനം തുണിസഞ്ചികൾ പരിചയപ്പെടുത്തി പൊതുജനങ്ങൾക്ക് പ്ലാസ്റ്റിക് ഉപയോഗത്തിനെതിരെ ബോധവൽക്കരണം നൽകുകയുമാണ് ലക്ഷ്യം.