തൃശൂർ : കുടുംബശ്രീയ്ക്ക് ഇനി കുടുംബമായി തന്നെ പോകാം. കുടുംബത്തിലെ എല്ലാ അംഗങ്ങൾക്കും കുടുംബശ്രീയിൽ അംഗങ്ങളാകാം. നിലവിൽ കുടുംബത്തിൽ നിന്ന് ഒരു സ്ത്രീക്ക് മാത്രമാണ് അംഗത്വം. അതുകൊണ്ടുതന്നെ പലർക്കും ഈ സംവിധാനത്തിൽ അവസരം നഷ്ട്ടമാകുന്നുണ്ട്. ഇതിന് പരിഹാരമായി വിവിധ സംഘങ്ങളായി മാറുകയാണ് കുടുംബശ്രീ. പ്രായമായവർ, യുവതികൾ, കുട്ടികൾ, ഭിന്നശേഷിക്കാർ, ഭിന്നലിംഗക്കാർ തുടങ്ങിയ കൂട്ടായ്മകൾ ഉൾപ്പെടുന്ന രീതിയിലേക്ക് കുടുംബശ്രീ മാറും. സംസ്ഥാനത്ത 2,77,175 അയൽക്കൂട്ടങ്ങളിലായി 43 ലക്ഷത്തിലധികം വനിതകൾ കുടുംബശ്രീയിൽ അംഗങ്ങളാണ്.