തിരുവനന്തപുരം: കെ എസ് ർ ടി സി ജീവനക്കാരുടെ ശമ്പളം വൈകുന്നതിൽ പ്രതിഷേധിച്ഛ് ഇന്ന് രാത്രിമുതൽ പണിമുടക്ക് പ്രഖ്യാപിച്ചു. ഭരണാനുകൂല സംഘടനയായ എ.ഐ.ടി.യു.സി.യും പണിമുടക്കിന് നോട്ടീസ് നല്‍കി.വ്യാഴാഴ്ച രാത്രി 12 മുതല്‍ 24 മണിക്കൂര്‍ പണിമുടക്കാണ് പ്രഖ്യാപിച്ചിട്ടുള്ളത്. കോണ്‍ഗ്രസ് സംഘടനയായ ടി.ഡി.എഫും, ബി.എം.എസിന്റെ സ്റ്റേറ്റ് ട്രാന്‍സ്‌പോര്‍ട്ട് എംപ്ലോയീസ് സഘവും പണിമുടക്കില്‍ പങ്കെടുക്കും.
കഴിഞ്ഞമാസം ശമ്പളം വൈകിയതിനെ തുടര്‍ന്ന് സി.പി.എം. സംഘടനയായ കെ.എസ്.ആര്‍.ടി.ഇ.എ.യും പണിമുടക്ക് പ്രഖ്യാപിച്ചിരുന്നു.തുടര്‍ന്ന് മന്ത്രി എ.കെ. ശശീന്ദ്രന്‍ വിളിച്ചുചേര്‍ത്ത യോഗത്തിലാണ് പ്രശ്‌നം പരിഹരിച്ചത്. ജനുവരിയിലെ ശമ്പളവും രണ്ടുമാസത്തെ പെന്‍ഷനും മുടങ്ങിയതാണ് അന്നത്തെ പണിമുടക്കിന് കാരണം. അടുത്തമാസം മുതല്‍ കൃത്യമായി ശമ്പളം നൽകാമെന്ന ഉറപ്പിലാണ് അന്ന് സമരം പിന്‍വലിച്ചത്.എന്നാൽ ഈ ഉറപ്പുകളൊന്നും പാലിക്കപ്പെട്ടില്ല.
ജനുവരിയിലെ ശമ്പളവും ഡിസംബര്‍, ജനുവരി മാസങ്ങളിലെ പെന്‍ഷനുമാണ് നിലവില്‍ കുടിശ്ശികയുള്ളത്. ചൊവ്വാഴ്ചയാണ് ജനുവരിയിലെ ശമ്പളം നല്‍കേണ്ടിയിരുന്നത്. ഇതിന് 70 കോടി രൂപ വേണം.