കണ്ണൂര്‍: കൊട്ടിയൂര്‍ മഹാദേവക്ഷേത്രത്തിലെ ഈവര്‍ഷത്തെ വൈശാഖമഹോത്സവം കോവിഡിന്റെ പശ്ചാത്തലത്തില്‍ പൊതുജനങ്ങള്‍ക്ക് പ്രവേശനം നല്കാതെ നടത്താന്‍ തീരുമാനം.സര്‍ക്കാര്‍ നിയന്ത്രണങ്ങള്‍ പൂര്‍ണമായി പാലിച്ചും ക്ഷേത്രത്തിലെ അടിയന്തിരച്ചടങ്ങുകള്‍ മാത്രമായും നടത്തുന്നതിനാണ് കളക്ടറുടെ അനുമതി.ഏറ്റവും കുറഞ്ഞ ആളുകള്‍ മാത്രമേ ചടങ്ങുകളില്‍ പങ്കെടുക്കാവൂ.ചടങ്ങുകളിൽ പങ്കെടുക്കുന്നവര്‍ മാര്‍ഗനിര്‍ദേശങ്ങള്‍ കൃത്യമായി പാലിക്കണം.ചടങ്ങുകൾ ക്ഷേത്രത്തിനകത്ത് മാത്രം നടത്തണം.പങ്കെടുക്കുന്ന ആളുകൾ കൃത്യമായ സാമൂഹിക അകലം പാലിക്കണം.മാസ്ക് നിർബന്ധമായും ഉപയോഗിക്കണം.ചടങ്ങില്‍ പങ്കെടുക്കുന്നവര്‍ക്ക് മെഡിക്കല്‍ പരിശോധന നിര്‍ബന്ധമാണ്.ചടങ്ങ് നടക്കുന്ന സ്ഥലത്ത് ഹാന്‍ഡ് വാഷ്, സാനിറ്റൈസര്‍ ഉള്‍പ്പെടെയുള്ള ശുചിത്വസംവിധാനങ്ങള്‍ സജ്ജമാക്കണമെന്നും മാർഗനിർദേശത്തിൽ പറയുന്നു.