കൊച്ചി: കൊച്ചി കോർപ്പറേഷൻ കൗൺസിലർ മിനി ആർ മേനോൻ(43) അന്തരിച്ചു.ഇന്ന് രാവിലെ സ്വകാര്യ ആശുപത്രിയിലായിരുന്നു അന്ത്യം.അർബുദ ബാധിതയായി ചികിത്സയിലായിരുന്നു. എറണാകുളം സൗത്ത് 62 ആം ഡിവിഷനിലെ ബിജെപി കൗൺസിലറായിരുന്നു മിനി ആർ മേനോൻ.ഭര്‍ത്താവ്: കൃഷ്ണകുമാര്‍ വര്‍മ മക്കള്‍: ഇന്ദുലേഖ, ആദിത്യ വര്‍മ. ബിജെപി സ്ഥാനാര്‍ത്ഥിയായി എറണാകുളം സൗത്ത് ഡിവിഷനില്‍ നിന്നാണ് മിനി ആര്‍. മേനോന്‍ കൊച്ചി കോര്‍പ്പറേഷന്‍ പ്രതിനിധിയായി തിരഞ്ഞെടുക്കപ്പെട്ടത്. തിരഞ്ഞെടുപ്പു ഫലം വന്നതിനു പിന്നാലെ തന്നെ ഇവരില്‍ രോഗം സ്ഥിരീകരിച്ചിരുന്നു. തുടര്‍ന്ന് ലീവെടുത്ത് ചികിത്സയില്‍ കഴിയുന്നതിനിടെയാണ് മരണം സംഭവിക്കുന്നത്.വാരിയം റോഡ് ചിന്മയ കോളജിന് എതിര്‍വശത്തുള്ള ഇവരുടെ കൗണ്‍സിലര്‍ ഓഫിസില്‍ 10.30 മുതല്‍ ഒന്നര വരെ മൃതദേഹം പൊതു ദര്‍ശനത്തിനു വയ്ക്കും. തുടര്‍ന്ന് ഇതിനടുത്തുള്ള ശാന്തി ഫ്ലാറ്റില്‍ ഒരു മണി മുതല്‍ മൂന്നു മണിവരെയും ആദരാഞ്ജലികള്‍ അര്‍പ്പിക്കാം. മൂന്നുമണിക്ക് രവിപുരം ശ്മശാനത്തില്‍ മൃതദേഹം സംസ്‌കരിക്കും.