കൊച്ചി: കൊച്ചി ഫ്ലാറ്റ് പീഡനക്കേസ് പ്രതി മാർട്ടിൻ ജോസഫ് പിടിയിലായി.പാലക്കാട് മുണ്ടൂരിലെ കാട്ടിൽ ഒളിച്ചിരിക്കുകയായിരുന്ന പ്രതിയെ പുലിക്കോട്ടിൽ പോലീസ് എത്തിയാണ് പിടികൂടിയത്. നേരത്തെ അറസ്റ്റിലായ സുഹൃത്തുക്കൾ നൽകിയ വിവരത്തിന്റെ അടിസ്ഥാനത്തിലാണ് ഇയാളുടെ ഒളിസങ്കേതത്തെ കുറിച്ച് പോലീസിന് സൂചന ലഭിച്ചത്. തുടർന്ന് നടത്തിയ പരിശോധനയിലാണ് പ്രതി പിടിയിലായത്. തൃശൂരിലെ കാട്ടിലും ഇന്ന് പോലീസ് വ്യാപക തിരച്ചിൽ നടത്തിയിരന്നു. നേരത്തെ അറസ്റ്റിലായ മാർട്ടിന്റെ സുഹൃത്തുക്കളിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. ഇവർ മൂന്ന് പേരും ചേർന്നാണ് മാർട്ടിന് ഒളിസങ്കേതം ഒരുക്കിക്കൊടുത്തത് എന്നാണ് വിവരം.പിടിയിലായ പ്രതിയെ ഇന്ന് പുലർച്ചെ രണ്ടു മണിയോടെ തൃശൂരിൽ നിന്ന് കൊച്ചിയിലെത്തിച്ചു. കണ്ണൂർ സ്വദേശിനിയായ യുവതിയെ ഫ്‌ലാറ്റിൽ പൂട്ടിയിട്ട് പീഡിപ്പിച്ചശേഷമാണ് മാർട്ടിൻ ഒളിവിൽ പോയത്. കഴിഞ്ഞ ലോക്ഡൗൺ കാലത്ത് മറൈൻഡ്രൈവിലെത്തിയ യുവതി ക്രൂര പീഡനത്തിന് ഇരയാവുകയായിരുന്നു. ഫ്‌ലാറ്റിൽ നിന്നും രക്ഷപ്പെട്ടോടിയ യുവതി തന്നെയാണ് പോലീസിൽ പരാതി നൽകിയത്. എന്നാൽ പോലീസ് അന്വേഷിച്ച് എത്തുമ്പോഴേയ്ക്കും പ്രതി മുങ്ങുകയായിരുന്നു. യുവതിയെ മാർട്ടിൻ പീഡിപ്പിച്ച മറൈൻ ഡ്രൈവിലെ ഫ്ലാറ്റിലെത്തിച്ച് ഇന്ന് തെളിവെടുപ്പ് നടത്തും.