കണ്ണൂര്‍: വാഹന ഉടമകളില്‍ നിന്ന് പണം വാങ്ങി വ്യാജ ഇന്‍ഷൂറന്‍സ് സര്‍ട്ടിഫിക്കറ്റ് നല്‍കിയിരുന്ന യുവാവ് പൊലീസ് പിടിയില്‍. പയ്യന്നൂര്‍ സ്വദേശി അഷാദ് അലിയെയാണ് പയ്യന്നൂര്‍ ഡിവൈ.എസ്‌പി കെ.ഇ. പ്രേമചന്ദ്രന്‍ അറസ്റ്റ് ചെയ്തത്. അറസ്റ്റിലാകുമ്പോൾ ഇയാളുടെ കൈയില്‍ നിന്ന് നിരോധിത ലഹരി മരുന്നും കണ്ടെത്തിയിട്ടുണ്ട്.ലഹരി മരുന്ന് കൈവശം വച്ചതിനുള്ള കുറ്റവും ഇയാളില്‍ ചുമത്തിയിട്ടുണ്ട്. നാല്‍പതോളം ആളുകള്‍ക്ക് ഇയാള്‍ വ്യാജ ഇന്‍ഷൂറന്‍സ് സര്‍ട്ടിഫിക്കറ്റ് നല്‍കിയിട്ടുണ്ടെന്നാണ് പ്രാഥമിക അന്വേഷണത്തില്‍ പൊലീസ് കണ്ടെത്തിയത്. കൂടാതെ വ്യാജ ആര്‍.ടി.പി.സി.ആര്‍ സര്‍ട്ടിഫിക്കറ്ര് നല്‍കിയിട്ടുണ്ടോ എന്നും പൊലീസ് അന്വേഷിക്കുന്നുണ്ട്. മംഗപുരത്ത് സ്വകാര്യ ഇന്‍ഷൂറന്‍സ് കമ്പനി ജീവനക്കാരനായിരുന്നു അറസ്റ്റിലായ അഷാദ് അലി.