സുരക്ഷക്കൊപ്പം സഹായവും നൽകുന്നത് ബേക്കൽ പോലീസിന്റെ മുഖമുദ്ര

കാസർകോഡ്:സേവനത്തോടൊപ്പം സഹായവും നൽകി കയ്യടിനേടി ബേക്കൽ പോലീസ്.കാസർകോഡ് ബേക്കൽ പോലീസ് സ്റ്റേഷനിലെ സി.ഐ നാരായണനും സിവിൽ പോലീസ് ഓഫീസർമാരും ചേർന്ന് നെല്ലിയടുക്കത്തെ പരസഹായമില്ലാതെ താമസിക്കുന്ന അമ്മമാർക്ക് ഭക്ഷണസാധനങ്ങൾ വീട്ടിൽ എത്തിച്ചു കൊടുത്തു.മാത്രമല്ല ലോക്ക് ഡൌൺ പ്രഖ്യാപിച്ച സാഹചര്യത്തിൽ നാട്ടിലേക്ക് പോവാൻ സാധിക്കാത്ത ഇതരസംസ്ഥാന തൊഴിലാളികൾക്ക് ഭക്ഷണ കിറ്റുകൾ എത്തിച്ചാണ് ഏറ്റവുമൊടുവിൽ ഇവർ പ്രശംസ പിടിച്ചുപറ്റിയത്.സ്റ്റേഷൻ പരിധിയിലെ ഉദുമ,പള്ളിക്കര പഞ്ചായത്തുകളിലെ വാടക ക്വാർട്ടേഴ്‌സിൽ താമസിക്കുന്ന അന്യസംസ്ഥാന തൊഴിലാളികൾക്കാണ് ഇവർ ഭക്ഷണ കിറ്റുകൾ എത്തിച്ചു നൽകിയത്.