കൊച്ചി:നടിയെ ആക്രമിച്ച കേസില്‍ കാവ്യാ മാധവനും നാദിര്‍ഷായുടമടക്കം സിനിമ മേഖലയില്‍ നിന്നുള്ള മറ്റ് താരങ്ങളെയും ചോദ്യം ചെയ്യും. നടിയെ ആക്രമിച്ച സംഭവത്തിലോ അതിനു ശേഷം പ്രതിയെ സംരക്ഷിക്കുന്നതിലോ നാദിര്‍ഷായുടെ ഇടപെടലുണ്ടായിരുന്നോ എന്ന് വ്യക്തത വരുത്താനാണ് കൂടുതല്‍ ചോദ്യം ചെയ്യലുകള്‍ക്ക് വിധേയനാക്കുന്നത്.പോലീസിന്റെ ചോദ്യം ചെയ്യലിനോട് ദിലീപ് സഹകരിക്കാത്ത സാഹചര്യത്തിലാണ് നാദിര്‍ഷായെയും ദിലീപിന്റെ ഭാര്യയായ കാവ്യാ മാധവനെയും ചോദ്യം ചെയ്യാന്‍ പോലീസിനെ നിര്‍ബന്ധിതനാക്കുന്നത്. കാവ്യയുടെ കാക്കനാട്ടെ വസ്ത്രസ്ഥാപനത്തില്‍ സുനി വന്നതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചിരുന്നു. പ്രതി സുനി ദിലീപിനയച്ച കത്തിലും കാക്കനാട്ടെ സ്ഥാപനത്തില്‍ ഏല്‍പിച്ചിട്ടുണ്ട് എന്ന പരാമര്‍ശമുണ്ട്. ഈ തെളിവുകളുടെ പശ്ചാത്തലത്തിലാണ് കാവ്യയെ ചോദ്യം ചെയ്യാന്‍ ഒരുങ്ങുന്നത്.ലക്ഷ്യയിലെ സിസിടിവി ദൃശ്യങ്ങള്‍ കൂടുതല്‍ പരിശോധനകള്‍ക്കായി അയച്ചിരിക്കുകയാണ്. പരിശോധനാഫലം ഇതുവരെ പുറത്തു വന്നിട്ടില്ല.