കൊച്ചി: രാജ്യദ്രോഹ കേസില്‍ ഐഷ സുൽത്താനയെ കവരത്തി പോലീസ് വീണ്ടും ചോദ്യം ചെയ്യുന്നു.കൊച്ചി കാക്കനാട്ടെ ഫ്ലാറ്റില്‍ എത്തിയാണ് ചോദ്യം ചെയ്യൽ.മുന്‍കൂട്ടി അറിയിക്കാതെ, നോടീസ് നല്‍കാതെയാണ് സംഘം കൊച്ചിയിലെത്തിയത്.രാജ്യവിരുദ്ധ പരാമർശവുമായി ബന്ധപ്പെട്ട കേസിൽ മൂന്നാം തവണയാണ് ഐഷയെ പോലീസ് ചോദ്യം ചെയ്യുന്നത്. ആദ്യ തവണ കേന്ദ്രസർക്കാരിനെതിരായ പരാമർശം നടത്താനുണ്ടായ സാഹചര്യങ്ങളെക്കുറിച്ചായിരുന്നു പ്രധാനമായും പോലീസ് ചോദ്യം ചെയ്തത്. രണ്ടാം തവണ സാമ്പത്തിക ഇടപാടുകളുടെ വിശദാംശങ്ങളാണ് പോലീസ് ഐഷയോട് ചോദ്യം ചെയ്തത്.രണ്ടാം വട്ട ചോദ്യം ചെയ്യലിന് ശേഷം ഐഷയുടെ മൊബൈൽ ഫോൺ പോലീസ് കസ്റ്റഡിയിൽ എടുത്തിരുന്നു. ഇതിൽ നിന്നും നിർണായക വിവരങ്ങൾ ലഭിച്ചിട്ടുണ്ടെന്നാണ് സൂചന. ഇതേ തുടർന്നാണ് ഐഷയെ ചോദ്യം ചെയ്യുന്നത്. കഴിഞ്ഞ രണ്ട് വട്ടവും ലക്ഷദ്വീപിലേക്ക് വിളിപ്പിച്ചായിരുന്നു ചോദ്യം ചെയ്യൽ.