ന്യൂഡൽഹി:കശ്മീരിലെ കത്തുവായിൽ എട്ടുവയസ്സുകാരി കൂരമായി ബലാല്സംഗത്തിനിരയായി കൊല്ലപ്പെട്ട സംഭവത്തിൽ കേസ് സ്വയം ഏറ്റെടുക്കുമെന്ന് സുപ്രീം കോടതി.കത്തുവ,ജമ്മു കശ്മീർ എന്നിവിടങ്ങളിലെ അഭിഭാഷകർ കുറ്റവാളികൾക്കെതിരെ ചാർജ് ഷീറ്റ് ഫയൽ ചെയ്യുന്നതിന് പ്രക്ഷോഭം നടത്തുന്ന സാഹചര്യത്തിലാണ് സുപ്രീം കോടതിയുടെ പരാമർശം.പെണ്‍കുട്ടിയുടെ കുടുംബത്തിന്‍റെ അഭിഭാഷകയ്ക്കുനേരെ ഭീഷണിയുള്ളതായി നേരത്തെ റിപ്പോര്‍ട്ട്‌ ചെയ്തിരുന്നു. ജമ്മുവിലെ കഠുവയില്‍ കൂട്ട ബലാത്സംഗത്തിനിരയാവുകയും ക്രൂരമായി കൊല്ലപ്പെടുകയും ചെയ്ത സംഭവത്തെ തുടര്‍ന്ന് പ്രതികള്‍ക്കനുകൂലമായി ഒരു സംഘം അഭിഭാഷകര്‍ രംഗത്തെത്തിയിരുന്നു. ഇതുമായി ബന്ധപ്പെട്ട് ഒരു വിഭാഗം അഭിഭാഷകരാണ് സുപ്രീം കോടതിയില്‍ ഹര്‍ജി ഫയല്‍ ചെയ്തത്. കഠുവയിലെയും ജമ്മുവിലെയും ഒരു വിഭാഗം അഭിഭാഷകര്‍ പ്രതികള്‍ക്കനുകൂലമായി നിയമ നടപടികളില്‍ ഇടപെടല്‍ നടത്തുന്നതായി കാണിച്ച്‌ അഭിഭാഷകനായ പി.വി ദിനേശ് ആണ് ഹര്‍ജി നല്‍കിയത്. കേസില്‍ കുറ്റപത്രം സമര്‍പ്പിക്കാനെത്തിയ അന്വേഷണോദ്യോഗസ്ഥര്‍ കഠുവ ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ പ്രവേശിക്കുന്നത് തടയുന്നതിനായി ഒരു വിഭാഗം അഭിഭാഷകര്‍ തടസ്സം സൃഷ്ടിക്കുന്ന വിധത്തില്‍ സമരം സംഘടിപ്പിച്ചിരുന്നു. കൂടാതെ, ക്രൈം ബ്രാഞ്ച് അന്വേഷണത്തിനെതിരെ കഠുവ ബാര്‍ അസോസിയേഷന്റെ പിന്തുണയോടെ ഹിന്ദു ഏക്താ മഞ്ച് എന്ന സംഘടന രംഗത്തെത്തിയിരുന്നു. അന്വേഷണം പക്ഷപാതപരമാണെന്നും കേസ് സിബിഐ അന്വേഷിക്കണമെന്നുമായിരുന്നു ഇവരുടെ ആവശ്യം.ഇതേ തുടർന്നാണ് കേസ് സ്വയം ഏറ്റെടുക്കാൻ സുപ്രീം കോടതി തീരുമാനിച്ചത്.