ശ്രീനഗര്‍: കശ്മീരിലെ കുപ് വാരയില്‍ ഭീകരരും സൈന്യവും തമ്മില്‍ ഏറ്റുമുട്ടല്‍. നാല് സൈനികര്‍ക്ക് വീരമൃത്യു. ഗൂര്‍ഖാ റൈഫിള്‍സിലെ സൈനികരാണ് വീരമൃത്യുവരിച്ചത്. നാല് ഭീകരരെ സൈന്യം ഏറ്റുമുട്ടലില്‍ വധിച്ചു. മേഖലയില്‍ വന്‍തോതില്‍ ഭീകരര്‍ ഒളിച്ചിരിപ്പുണ്ട് എന്ന ഇന്റലിജന്‍സ് റിപ്പോര്‍ട്ടിനെ തുടര്‍ന്ന് ഇവിടെ സൈനിക സാന്നിധ്യം വര്‍ധിപ്പിച്ചിരുന്നു. കഴിഞ്ഞദിവസം കുപ് വാരയില്‍ സൈന്യം തിരച്ചില്‍ നടത്തിയിരുന്നു സൈന്യം നടത്തിയ തിരച്ചിലില്‍ വന്‍ തോതില്‍ ആയുധങ്ങളും കണ്ടെത്തിയിരുന്നു. തുടര്‍ന്ന് വെളിച്ചക്കുറവുമുലം തിരച്ചില്‍ അവസാനിപ്പിച്ച സൈന്യം പുലര്‍ച്ചെ വീണ്ടും തിരച്ചില്‍ ആരംഭിക്കുകയായിരുന്നു. തുടര്‍ന്ന് 10 മണിയോടെ ഭീകരരെ കണ്ടെത്തി. സൈനിക സാന്നിധ്യം തിരിച്ചറിഞ്ഞ ഭീകരര്‍ വെടിയുതിര്‍ക്കുകയായിരുന്നു. ഏറ്റുമുട്ടല്‍ നാല് ജവാന്‍മാര്‍ വീരമൃത്യുവരിച്ചത്. ആയിരത്തിലധികം സൈനികരാണ് ഇവിടെ ഭീകരര്‍ക്കായി തിരച്ചില്‍ നടത്തുന്നത്.