തിരുവനന്തപുരം: സര്‍ക്കാര്‍ വിവരാവകാശ നിയമത്തിന് എതിരാണെന്ന വാദം ശരിയല്ല. ചിലര്‍ അങ്ങനെ വരുത്തിത്തീര്‍ക്കാന്‍ ശ്രമിക്കുകയാണ്. ആര്‍ക്ക് വേണ്ടിയാണ് ഈ പുകമറ സൃഷ് ടിക്കുന്നതെന്നറിയില്ല. വിവരാവകാശ നിയമത്തില്‍ സി.പി.ഐക്ക് മറുപടിയുമായി മുഖ്യമന്ത്രി പിണറായി വിജയന്‍.
കേരള അഡ്മിനിസ്‌ട്രേറ്റീവ് സര്‍വീസ് ആര് എതിര്‍ത്താലും നടപ്പാക്കുമെന്നും മന്ത്രിസഭാ തീരുമാനങ്ങള്‍ വെബ്‌സൈറ്റിലിടുന്ന ഏക സംസ്ഥാനമാണ് കേരളം എന്നും അദ്ദേഹം പറഞ്ഞു. വിവാദം ഒഴിവാക്കാനാണ് ചില കാര്യങ്ങള്‍ക്ക് മറുപടി പറയാതെ മിണ്ടാതിരിക്കുന്നത്. അല്ലാതെ മറുപടി പറയാൻ അറിയാഞ്ഞിട്ടല്ല.
കെ.എ.എസ് നാടിന്റെ ആവശ്യമാണ്. കെ.എ.എസ് സര്‍വീസ് മേഖലയ്ക്ക് ഉപദ്രവമുണ്ടാകുന്ന കാര്യമല്ല. ചിലര്‍ക്ക് തെറ്റിദ്ധാരണയുള്ളതുകൊണ്ടാണ് എതിര്‍ക്കുന്നത്. മുഖ്യമന്ത്രി പറഞ്ഞു.