കോഴിക്കോട്:കരിപ്പൂർ വിമാന ദുരന്തത്തെ തുടര്‍ന്ന് കോഴിക്കോടേക്കുള്ള വിമാനങ്ങള്‍ കണ്ണൂര്‍ വിമാനത്താവളത്തില്‍ ഇറക്കാന്‍ തീരുമാനം. കോഴിക്കോട് വിമാനത്താവളം സാധാരണ നിലയിലാകുന്നത് വരെ കോഴിക്കോടേക്കുള്ള വിമാനങ്ങള്‍ കണ്ണൂരിലിറക്കാനാണ് തീരുമാനിച്ചിരിക്കുന്നത്.കരിപ്പൂരിലേക്കുള്ള ഫ്‌ളൈ ദുബൈ ഉള്‍പ്പെടെയുള്ള വിമാനങ്ങള്‍ കണ്ണൂര്‍ വിമാനത്താവളത്തില്‍ ഇറക്കും. ഇതിനിടെ ജിദ്ദയില്‍ നിന്നും കരിപ്പൂരിലിറങ്ങേണ്ട സ്പൈസ് ജെറ്റിന്റെ വിമാനം ഇന്നലെ രാത്രി 9.20 മണിയോടെ നെടുമ്പാശ്ശേരി വിമാനത്താവളത്തിലിറക്കി.