കണ്ണൂർ : ഏപ്രിൽ രണ്ടോടെ ജില്ലയെ പ്ലാസ്റ്റിക് ബാഗ് ഡിസ്പോസബിൾ വിമുക്തമാക്കുന്നതിനു ജില്ലാ പഞ്ചായത്തും ജില്ലാ ഭരണകൂടവും നടത്തിവരുന്ന പ്രോഗ്രാമുകൾ ഏതാണ്ട് വിജയത്തോടടുക്കുകയാണ്. ജില്ലയിലെ 60 ഓളം തദ്ദേശ സ്ഥാപനങ്ങൾ ഇതിനകം പ്ലാസ്റ്റിക് ബാഗ് മുക്തമായി പ്രഖ്യാപിച്ചു കഴിഞ്ഞു.ഏപ്രിൽ രണ്ടിന് ശേഷം ജില്ലയിൽ പ്ലാസ്റ്റിക് ക്യാരി ബാഗുകളും ഡിസ്പോസബിൾ കപ്പുകളും പ്ലേറ്റുകളും വിതരണം ചെയ്യപ്പെടുന്നില്ലെന്നുറപ്പുവരുത്താൻ തദ്ദേശ സ്ഥാപനങ്ങളുടെ നേതൃത്വത്തിൽ ശക്തമായ സംവിധാനത്തിന് രൂപം നൽകണമെന്ന് ജില്ലാ പഞ്ചായത്ത് പ്രസിഡന്റ് കെ വി സുമേഷ് നിർദേശിച്ചു.