കോയമ്പത്തൂർ:കോയമ്പത്തൂരിലെ അവിനാശിയില്‍ കെഎസ്‌ആര്‍ടിസി വോള്‍വോ ബസും ലോറിയും കൂട്ടിയിടിച്ചുണ്ടായ അപകടത്തില്‍ മരിച്ചവരില്‍ കണ്ണൂര്‍ പയ്യന്നൂര്‍ സ്വദേശിയും. പയ്യന്നൂര്‍ കാനത്തെ എന്‍ .വി സനൂപ് (28 ) ആണ് മരണപ്പെട്ടത്. ബംഗളൂരുവില്‍ ജോലി ചെയ്യുകയാണ് സനൂപ്. പയ്യന്നൂര്‍ ടൗണിലെ ഓട്ടോ ഡ്രൈവര്‍ ചന്ദ്രന്‍ ശ്യാമള ദമ്പതികളുടെ മകനാണ്‌.അപകട വിവരമറിഞ്ഞ് ബന്ധുക്കള്‍ സംഭവ സ്ഥലത്തേക്ക് പുറപ്പെട്ടിട്ടുണ്ട്.ഇന്ന് പുലർച്ചെ മൂന്നേകാലോടെയാണ് അപകടമുണ്ടായത്.ബംഗളൂരുവില്‍ നിന്ന് എറണാകുളത്തേക്ക് വന്ന ബസാണ് അപകടത്തില്‍ പെട്ടത്. 48 പേരാണ് ബസില്‍ ഉണ്ടായിരുന്നത്.അപകടത്തിൽ 18 മലയാളികൾ ഉൾപ്പെടെ 20 പേരാണ് മരണപ്പെട്ടത്.