സുൽത്താൻബത്തേരി:മാരക മയക്കുമരുന്നുമായി കണ്ണൂർ സ്വദേശി മുത്തങ്ങ എക്‌സൈസ് ചെക്ക്‌പോസ്റ്റിൽ പിടിയിലായി.കണ്ണൂർ താണ സലഫി സ്കൂളിന് സമീപം വെസ്റ്റ് ന്യൂക് വീട്ടിൽ മുഹമ്മദ് അസിം(24) ആണ് പിടിയിലായത്.ഇയാളിൽ നിന്നും 2 ഗ്രാം എം.ഡി.എം.എ(മെത്തലിൻ ഡയോക്സി മേത്താഫിത്തലിൻ),20 ഗ്രാം ഹാഷിഷ് ഓയിൽ എന്നിവ പിടിച്ചെടുത്തു.മാരക മയക്കുമരുന്ന് വിഭാഗത്തിൽപ്പെടുന്ന എം.ഡി.എം.എ 0.1 ഗ്രാം കൈവശം വെച്ചാൽ പോലും പത്തുവർഷം മുതൽ 20 വർഷം വരെ തടവും ഒരുലക്ഷം രൂപ മുതൽ അഞ്ചുലക്ഷം രൂപവരെ പിഴയും ലഭിക്കും.തിങ്കളാഴ്ച രാവിലെ ബെംഗളൂരുവിൽ നിന്നും കോഴിക്കോട്ടേക്ക് വരികയായിരുന്ന കെഎസ്ആർടിസി ബസ്സിൽ എക്‌സൈസ് അധികൃതർ നടത്തിയ പരിശോധനയിലാണ് യുവാവ് പിടിയിലാകുന്നത്.എക്‌സൈസ് ഇൻസ്പെക്റ്റർ കെ.അബ്ദുൽ അസീസ്,പ്രിവന്റീവ് ഓഫീസർ വി.ആർ ബാബുരാജ്,സിവിൽ എക്‌സൈസ് ഓഫീസർമാരായ കെ.ജോണി,എ.ടി രാമചന്ദ്രൻ എന്നിവരാണ് എക്‌സൈസ് സംഘത്തിൽ ഉണ്ടായിരുന്നത്.