കണ്ണൂർ:ജില്ലാ അഗ്രി-ഹോർട്ടി കൾച്ചറൽ സൊസൈറ്റിയുടെ നേതൃത്വത്തിൽ നടത്തുന്ന കണ്ണൂർ പുഷ്‌പോത്സവത്തിനു നാളെ തുടക്കമാകും.ഫെബ്രുവരി രണ്ടു മുതൽ പതിമൂന്നു വരെ കണ്ണൂർ പോലീസ് മൈതാനത്താണ് പുഷ്‌പോത്സവം നടക്കുക.രണ്ടിന് വൈകുന്നേരം അഞ്ചുമണിക്ക് നടി സുരഭി ലക്ഷ്മി പുഷ്‌പോത്സവം ഉൽഘാടനം ചെയ്യും.ശേഷം വിനോദ് കോവൂരും സുരഭിലക്ഷ്മിയും അവതരിപ്പിക്കുന്ന കോമഡി ഷോ അരങ്ങേറും.കേരളത്തിനകത്തും പുറത്തുമുള്ള നിരവധി നഴ്‌സറികൾ പങ്കെടുക്കും.15000 ചതുരശ്ര അടി വിസ്തീർണ്ണത്തിൽ തീർത്ത ഉദ്യാനം,വർണ്ണ ജലധാരകൾ,ഫുഡ് കോർട്ടുകൾ,വയനാട്ടിലെ ആദിവാസികളുടെ മുളയുൽപ്പന്നങ്ങൾ, തുടങ്ങിയവയൊക്കെ പുഷ്‌പോത്സവത്തിന്റെ പ്രത്യേകതകളാണ്.രാവിലെ പത്തുമണി മുതൽ രാത്രി എട്ടുമണി വരെയാണ് പ്രവേശനം.30 രൂപയാണ് പ്രവേശന ഫീസ്.വിദ്യാർത്ഥികൾക്ക് 15 രൂപ.അഞ്ചു വയസ്സിൽ താഴെയുള്ള കുട്ടികൾക്ക് പ്രവേശനം സൗജന്യമാണ്.13 നു വൈകുന്നേരം ആറുമണിക്ക് നടക്കുന്ന സമാപന സമ്മേളനം മന്ത്രി രാമചന്ദ്രൻ കടന്നപ്പള്ളി ഉൽഘാടനം ചെയ്യും.