കണ്ണൂർ:കണ്ണൂർ ജില്ലാ സ്കൂൾ കലോത്സവം നവംബർ 18,19 തീയതികളിൽ തലശ്ശേരിയിൽ നടക്കും.കലോത്സവത്തിന്റെ തീയതിയും വേദിയും സംബന്ധിച്ചുള്ള അന്തിമ തീരുമാനം കൈക്കൊള്ളുന്നതിനായി ഈ വരുന്ന വെള്ളിയാഴ്ച ഡി.ഇ.ഓ മാർ,എ.ഇ.ഓ മാർ,അധ്യാപക സംഘടനാ പ്രതിനിധികൾ എന്നിവരുടെ യോഗം വിദ്യാഭ്യാസ ഉപ ഡയറക്റ്ററുടെ ഓഫീസിൽ ചേരും.ഹൈസ്കൂൾ,ഹയർ സെക്കണ്ടറി വിഭാഗത്തിൽ മാത്രമാണ് ഈ വർഷം ജില്ലാ കലോത്സവത്തിൽ മത്സരം നടക്കുക. എൽ.പി,യു.പി സ്കൂളുകളിൽ വിദ്യാർത്ഥികൾക്ക് സ്കൂൾ തലത്തിൽ മാത്രമേ മത്സരമുള്ളൂ.