കണ്ണൂര്‍: കോര്‍പ്പറേഷന്‍ പരിധിയിലെ 30 സ്‌കൂളുകളിലെ കുട്ടികള്‍ക്ക് യോഗ-നീന്തല്‍ പരിശീലനം നല്‍കി. 500 കുട്ടികൾക്ക് യോഗ പരിശീലനവും 300 കുട്ടികൾക്ക് നീന്തൽ പരിശീലനവും നൽകി. പഠിച്ചകാര്യങ്ങള്‍ പൊതുജനങ്ങളുടെമുന്നില്‍ പ്രദര്‍ശിപ്പിച്ചാണ് കുട്ടികൾക്ക് സർട്ടിഫിക്കറ്റ് നൽകിയത്. യോഗപ്രദര്‍ശനം നടന്നത് കണ്ണൂര്‍ ജൂബിലി ഹാളിലും നീന്തല്‍പ്രദര്‍ശനം നടന്നത് കണ്ണൂര്‍ സിറ്റിസെന്ററിലെ നീന്തൽ കുളത്തിലുമായിരുന്നു. പ്രദര്‍ശനത്തിന്റെയും സര്‍ട്ടിഫിക്കറ്റ് വിതരണത്തിന്റെയും ഉദ്ഘാടനം മേയര്‍ ഇ.പി.ലത നിര്‍വഹിച്ചു. ഡെപ്യൂട്ടി മേയര്‍ പി.കെ.രാഗേഷ് അധ്യക്ഷതവഹിച്ചു. സ്ഥിരംസമിതി അധ്യക്ഷരായ ഷാഹിനാമൊയ്തീന്‍, ടി.ഒ.മോഹനന്‍, കെ.ജെമിനി, വെള്ളോറ രാജന്‍, പി.ഇന്ദിര തുടങി ഒട്ടേറെ പ്രമുഖർ ചടങ്ങിൽ സംസാരിച്ചു