കണ്ണൂർ: വാണിജ്യ-വ്യവസായ രംഗത്ത് പുരോഗതി തേടുന്ന കണ്ണൂരിന്റെ സ്വപ്ന പദ്ധതിയായ വിമാനത്താവളത്തെയും അഴീക്കൽ തുറമുഖത്തെയും ബന്ധിപ്പിക്കുന്ന റെയിൽവേ പാത ഉപേക്ഷിക്കുന്നു. റെയിൽപാത തല്ക്കാലം പരിഗണിക്കാനാവില്ലെന്നാണ് കേന്ദ്ര റെയിൽവേ മന്ത്രാലയത്തിന്റെ നിലപാട്. നിലവിൽ നഷ്ടത്തിൽ,ഓടുന്ന റെയ്ൽവേയ്ക്ക് പുതിയ പാത അധിക സാമ്പത്തിക ബാധ്യത ഉണ്ടാക്കുമെന്ന പ്രാഥമിക സാമ്പത്തിക സർവ്വേ റിപ്പോർട്ടിനെ തുടർന്നാണ് പദ്ധതി ഉപേക്ഷിക്കുന്നത്.