മുവാറ്റുപുഴ : അന്തരിച്ച പ്രമുഖ ചലച്ചിത്ര നടൻ കലാഭവൻ മണിയുടെ അനുസ്മരണവും കലാപരിപാടികളും സംഘടിപ്പിക്കുന്നു. ഈ മാസം ഏഴിനാണ് ചടങ്ങ് . തൃക്കളത്തൂർ കാവുംപടി ഓഡിറ്റോറിയത്തിൽ കലാഭവൻ മണി കല സാംസ്കാരിക വേദിയുടെ ആഭിമുഖ്യത്തിൽ നടത്തുന്ന ഈ പരിപാടി മാധ്യമ പ്രവർത്തകനും തിരക്കഥ കൃത്തുമായ ജോൺ പോൾ ഉത്ഘാടനം ചെയ്യും. പരിപാടിയിൽ സിനിമ മിമിക്രി രംഗത്തെ പ്രമുഖർ പങ്കെടുക്കും. മണിയുടെ സഹോദരൻ ആർ എൽ വി രാമകൃഷ്ണൻ മുഖ്യ പ്രഭാഷണം നടത്തും. സുഹൃത്തുക്കളും സഹപ്രവർത്തകരും ചേർന്ന് മണിയുടെ സിനിമ ജീവിതത്തിലെ അവിസ്മരണീയ രംഗങ്ങൾ അവതരിപ്പിക്കും.