കൊച്ചി:മകരവിളക്ക് ദർശനത്തിന് ശബരിമലയിൽ പോകാൻ അനുമതി തേടി കെ.സുരേന്ദ്രൻ ഹൈക്കോടതിയിൽ.താന് കെട്ടു നിറച്ചിട്ടുണ്ടെന്നും ദര്ശനം നടത്തേണ്ടതുണ്ടെന്നും സുരേന്ദ്രന് കോടതിയില് വ്യക്തമാക്കി.എന്നാല് ഈ സീസണില് തന്നെ പോകണോ എന്നു ചോദിച്ച കോടതി ഏതെങ്കിലും ഒന്നാം തീയതി ശബരിമല ദര്ശനം നടത്തിയാല് മതിയാകില്ലേ എന്നും ആരാഞ്ഞു. ശബരിമലയില് ഇപ്പോള് സ്ഥിതികള് ശാന്തമാണ്. അത് തകര്ക്കുമോ എന്നും കോടതി ചോദിച്ചു.അതേസമയം ശബരിമലയിലെ സമാധാന അന്തരീക്ഷം തകര്ക്കാന് ബോധപൂര്വമായ ശ്രമമാണ് പ്രതിയുടെ ഭാഗത്തുനിന്ന് ഉള്ളതെന്ന് സംസ്ഥാന സര്ക്കാര് അഭിഭാഷകന് കോടതിയില് പറഞ്ഞു. ഈ സീസണില് ദര്ശനം അനുവദിക്കരുതെന്നും അഭിഭാഷകന് കോടതിയോട് അഭ്യര്ഥിച്ചു. തുടര്ന്ന് സുരേന്ദ്രന്റെ ഹര്ജി വരുന്ന തിങ്കളാഴ്ച പരിഗണിക്കുന്നതിന് മാറ്റിവച്ചു. ചിത്തിര ആട്ടവിശേഷത്തിന് പേരക്കുട്ടിയുടെ ചോറൂണിനായി ശബരിമലയിലെത്തിയ സ്ത്രീയെ തടഞ്ഞെന്ന കേസിലാണ് കെ.സുരേന്ദ്രനെ പൊലീസ് അറസ്റ്റ് ചെയ്തത്. തുടര്ന്ന് 23ദിവസത്തെ ജയില് വാസത്തിന് ശേഷം കര്ശന ഉപാധികളോടെയാണ് സുരേന്ദ്രന് ജാമ്യം ലഭിച്ചത്. പത്തനംതിട്ട ജില്ലയില് പ്രവേശിക്കരുതെന്നാണ് കോടതി നിര്ദേശം.